Útistofa í Heiðmörk
Náttúruskóli Reykjavíkur hefur í samstarfi við Skógræktarfélag Reykjavíkur og Vinnuskóla Reykjavíkur útbúið útikennslustofu í skógarrjóðri í Heiðmörk.
Í Heiðmörk eru möguleikar til útikennslu óþrjótandi. Á svæðinu er fjölskrúðugt dýralíf og gróðurfar er afar fjölbreytt. Útikennslustofan er liður í því að auðvelda kennurum og öðrum sem vinna með börnum að nýta náttúruna til kennslu í sem flestum námsgreinum grunnskólans.
